سینیٹر انوار الحق کاکڑ نگران وزیراعظم نامزد

اپوزیشن لیڈر راجہ ریاض نے شہباز شریف سے ملاقات کے بعد بتایا کہ ملک میں عام انتخابات کے انعقاد کی نگرانی کرنے کے لیے انوار الحق کے انتخاب کیا گیا ہے۔ دوسری جانب پاکستانی صدر نے نامزد کردہ نام کی منظوری دے دی ہے۔ صدارتی دفتر نے اس پیش رفت کی تصدیق کی ہے۔

’پاکستان اور اُس کے عوام کا دشمن انجام کو پہنچ گیا ہے‘

پاکستان کے نگران وزیر اعظم کے لیے دوڑ میں کون کون شامل

انہوں نے کہا کہ سب سے پہلے یہ طے کیا گیا کہ جو بھی وزیراعظم ہو اس کا تعلق کسی چھوٹے صوبے سے ہونا چاہیے تاکہ چھوٹے صوبوں کے شکایات کا ازالہ ہو سکے۔

یہ بات اہم ہے کہ پاکستانی دستور کے مطابق نگران وزیراعظم کا انتخاب قائد ایوان اور اپوزیشن لیڈر کے مشورے سے ہوتا ہے۔

اب نامزد نگران وزیراعظم اپنی کابینہ کا انتخاب کریں گے اور انتخابات کے انعقاد اور نئی اسمبلی کے وجود میں آنے تک بہ طور وزیراعظم اپنی ذمہ داریاں انجام دیں گے۔

پاکستانی دستور کے مطابق اس سلسلے میں وزیراعظم اور اپوزیشن لیڈر کو کسی نگران وزیراعظم کے نام پر اتفاق کے لیے ڈیڈلائن ہفتے اور اتوار کی درمیانی شب بارہ بجے مکمل ہونا تھی۔ دستوری طور پر اگر وزیراعظم اور اپوزیشن لیڈر کسی نام پر اتفاق نہ کریں تو ایسی صورت میں الیکشن کمیشن فریقین کی جانب سے پیش کردہ تین تین ناموں میں سے کسی ایک کو یہ ذمہ داری سونپ سکتا ہے۔

پاکستانی پارلیمان بدھ کے روز تحلیل ہوئی تھی اور دستور کے مطابق آئندہ نوے روز میں ملک میں انتخابات کا انعقاد ہونا ہے، تاہم حالیہ مردم شماری کے نتائج گزشتہ ہفتے ہی جاری کیے گئے ہیں، جس کے تحت نئی حلقہ بندیاں ہونا ہیں اور ایسے میں نوے روز میں انتخابات میں کچھ زیادہ وقت لگ سکتا ہے۔ تاہم آئندہ انتخابات جب بھی ہوں بظاہر سابق وزیراعظم عمران خان ان انتخابات میں حصہ لیتے دکھائی نہیں دیتے۔ عمران خان کو گزشتہ ہفتے ایک عدالت نے کرپشن کے ایک مقدمے میں سزا سنائی تھی۔

ع ت، ا ا (اے ایف پی، روئٹرز)