عسکری دھڑا تحریک طالبان پاکستان سے الگ

جمعرات کے روز اس دہشت گرد گروہ کی جانب سے سامنے آنے والے بیان میں اپنے نوجوان کمانڈر کے ساتھ وفاداری کا اظہار کرتے ہوئے کہا گیا ہے کہ یہ دھڑا تحریک طالبان کی چھتری سے الگ ہو کر اپنی شناخت کے ساتھ کارروائیاں کرے گا۔

اس اقدام سے تحریک طالبان میں موجود درڑایں واضح ہوتی جا رہی ہے۔ خبر رساں ادارے اے ایف پی کے مطابق گزشتہ برس نومبر میں ایک امریکی ڈرون حملے میں اس عسکری تنظیم کے سربراہ حکیم اللہ محسود کی ہلاکت کے بعد مولانا فضل اللہ نے اس تنظیم کی قیادت سنبھالی تھی، تاہم فضل اللہ سے بظاہر اس گروہ میں موجود مختلف اکائیوں کا مجمتع رکھنا دکھائی نہیں دیتا۔

اے ایف پی کے مطابق ’ملا ریڈیو‘ کے نام سے جانا جانے والے مولانا فضل اللہ پاکستان علاقے وادی سوات میں سن 2007 تا 2009 متحرک رہا، تاہم وہاں پاکستانی فوج کے آپریشن کے بعد فرار ہونے میں کامیاب ہو گیا۔ اپنے ریڈیو پر یہ عسکریت پسند یہ اعلان کیا کرتا تھا کہ اس کے ساتھی اگلے روز کسے موت کے گھاٹ اتارنے والے ہیں۔

ٹی ٹی پی میں لشکر حرار کا قیام اس وقت ہوا تھا، جب رواں برس فروری میں عمر خالد خراسانی کی قیادت میں اس دھڑے کے عسکریت پسندوں نے سن 2010ء سے قید 23 پاکستانی سپاہیوں کے سر قلم کیے تھے۔

خراسانی اس سے قبل احرار الہند نامی دہشت گرد گروہ کی قیادت کرتا تھا اور اس کے عسکریت پسند رواں برس پاکستانی فوج اور تحریک طالبان کے درمیان فائربندی کے دوران مختلف مقامات پر حملے کرتے رہے، جن میں سے ایک دارالحکومت اسلام آباد کی ایک عدالت میں 12 افراد کا قتل بھی تھا۔

مبصرین کے مطابق خراسانی کے دہشت گرد تنظیم القاعدہ اور اس کے سربراہ ایمن الظواہری سے گہرے روابط ہیں۔ اس گروہ کی جانب سے جاری کردہ بیان میں فضل اللہ پر الزام عائد کیا گیا ہے کہ وہ ذاتی مقاصد کے حصول پر زیادہ توجہ دیتا ہے۔ اس گروہ کے ترجمان احسان اللہ احسان کی جانب سے اردو میں جاری کردہ بیان میں کہا گیا گیا ہے، ’’مجاہدین کے قاتل فضل اللہ کے ساتھ بیٹھے ہیں۔ اس نے ایسے لوگوں کے خلاف شریعہ کے مطابق اقدامات کیوں نہیں کیے؟ ‘‘

واضح رہے کہ احسان اللہ احسان اس سے قبل مولانا فضل اللہ کے ماتحت کام کرتا رہا ہے۔

اس کا مزید کہنا تھا، ’ہم مولانا فضل اللہ اور اس کے ساتھ موجود موقع پرستوں کی کی رکنیت کے خاتمے کا اعلان کرتے ہیں۔‘

یہ بات بھی اہم ہے کہ پاکستانی فوج ان دنوں شمالی وزیرستان میں عسکریت پسندوں کے خلاف بڑی عسکری کارروائی جاری رکھے ہوئے ہے اور اس کا دعویٰ ہے کہ اس نے تحریک طالبان کے کمانڈ اینڈ کنڑول ڈھانچے کو تباہ کر دیا ہے۔