نواز شریف پارٹی کی صدارت نہیں کر سکتے، سپریم کورٹ کا فیصلہ

تین مرتبہ پاکستانی وزارت عظمیٰ کے عہدے پر فائز رہنے والے میاں محمد نواز شریف کو چھ ماہ قبل ملکی سپریم کورٹ نے وزارت عظمیٰ کے عہدے کے لیے نا اہل قرار دے دیا تھا۔ اب پاکستان کی اسی اعلیٰ عدالت نے انہیں سیاسی جماعت کے صدر کے عہدے کے لیے بھی نااہل قرار دے دیا ہے۔

پارلیمنٹ سے استعفٰی دے سکتے ہیں، عمران خان

یہ امر بھی اہم ہے کہ کسی بھی عوامی عہدے کے لیے نا اہل قرار دیے جانے کے بعد پارلیمان نے ملکی قانون میں تبدیلی کر کے نواز شریف کو سیاسی جماعت کا سربراہ بنانے کی راہ ہموار کر دی تھی جس کے بعد ان کی پارٹی نے انہیں صدر منتخب کر لیا تھا۔

اس تقرری کے خلاف دائر مقدمے کا فیصلہ سناتے ہوئے سپریم کورٹ کے چیف جسٹس ثاقب نثار نے ملکی الیکشن کمیشن کو پارٹی صدر کے طور پر نواز شریف کا نام تمام سرکاری ریکارڈ سے ختم کرنے کی ہدایت بھی کی۔ علاوہ ازیں اس دوران بطور پارٹی صدر نواز شریف کے کیے گئے تمام فیصلے بھی منسوخ کر دیے گئے ہیں۔

پاکستانی ’نیم جمہوریت‘ اور دنیا میں جمہوریت پر کم ہوتا اعتماد