کیوبا میں مسافر طیارہ ٹیک آف کرتے ہوئے تباہ ہو گیا

ہوانا کے خوزے مارتی انٹرنیشنل ایئر پورٹ سے جمعہ 18 مئی کی شام ملنے والی مختلف نیوز ایجنسیوں کی ابتدائی رپورٹوں کے مطابق یہ مسافر ہوائی جہاز اس ایئر پورٹ کے قریب ہی ایک علاقے میں گر کر تباہ ہو گیا اور حادثے کی جگہ سے دھوئیں کے گہرے بادل آسمان کی طرف اٹھتے ہوئے دکھائی دیے۔

نیپال میں بنگلہ دیشی طیارہ گر کر تباہ

ایران کا مسافر بردار طیارہ تباہ، درجنوں ہلاک

الجزائر کا فوجی جہاز تباہ، ہلاکتیں 257 ہو گئیں

اس حادثے کے بعد سرکاری میڈیا پر دکھائی جانے والی فوٹیج میں اس طیارے کے مختلف ٹکڑے ایک نیم جنگلاتی علاقے میں جلتے ہوئے دیکھے جا سکتے تھے اور فائر بریگیڈ کے بہت سے کارکن شعلوں کی لپیٹ میں آئے ہوئے بوئنگ 737 کے ان ٹکڑوں کو لگی آگ بجھانے میں مصروف تھے۔

مقامی وقت کے مطابق جمعے کی سہ پہر پیش آنے والے اس حادثے کے بارے میں فوری طور پر ایسی کوئی اطلاعات نہیں کہ اس مسافر ہوائی جہاز کی تباہی کے نتیجے میں کتنے انسان ہلاک یا زخمی ہوئے۔ تاہم ماہرین کا ابتدائی اندازہ ہے کہ جانی نقصان بہت زیادہ ہو سکتا ہے۔

مقامی باشندوں نے بتایا کہ اس حادثے کے بعد موقع پر پہنچ جانے والی ایمبولینسوں کے ذریعے ان متعدد افراد کو وہاں سے مختلف ہسپتالوں کی طرف لے جاتے ہوئے دیکھا گیا، جنہیں جلدی میں تباہ شدہ طیارے کے مختلف حصوں یا اس کریش کی جگہ سے بچا لیا گیا تھا۔

بتایا گیا ہے کہ اس بوئنگ طیارے میں سوار مسافروں کی تعداد 104 اور عملے کے ارکان کی تعداد نو تھی۔ یہ ہوائی جہاز میکسیکو کی کمپنی Damojh کی ملکیت تھا اور اسے کیوبا کی سرکاری ایئر لائن استعمال کرتی تھی۔ یہ مسافر پرواز کیوبا کے دارالحکومت ہوانا سے ملک کے مشرقی شہر ہولگوئن جا رہی تھی۔

دنیا کے سب سے بڑے ہوائی جہاز کا تجرباتی پرواز کے دوران کریش

نیپال میں مسافر طیارہ رن وے سے اتر گیا

روسی مسافر طیارہ گر کر تباہ، 71 افراد ہلاک

اس حادثے کے بعد، جس کی ممکنہ وجوہات کے بارے میں حکام نے کچھ نہیں کہا، کیوبا کے صدر میگوئل دیاز کانیل بھی موقع پر پہنچ گئے۔ ان کے مطابق اس ہوائی جہاز کی تباہی کے نتیجے میں ہلاک یا زخمی ہونے والوں کی تعداد کافی زیادہ ہے۔

کیوبا کے شہری ہوا بازی کے شعبے کا سلامتی کا ریکارڈ بہت خراب ہے اور سرکاری ایئر لائن حالیہ چند ماہ کے دوران تکنیکی مسائل اور مجموعی طور پر کافی بری حالت کی وجہ سے اپنے کئی مسافر طیاروں کا استعمال بند بھی کر چکی ہے۔

م م / ک م / اے ایف پی، اے پی