1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
MigogoroMashariki ya Kati

Baraza la mawaziri la Israel laidhinisha makubaliano

Bakari Ubena
18 Januari 2025

Baraza la Mawaziri la Israel limeidhinisha Jumamosi alfajiri makubaliano ya kusitisha mapigano huko Gaza na kuachiliwa kwa mateka ambao bado wanashikiliwa na Hamas.

https://p.dw.com/p/4pJGj
Baraza la usalama la Israel lilidhinisha pia makubaliano hayo siku ya Ijumaa
Baraza la usalama la Israel lilidhinisha pia makubaliano hayo siku ya IjumaaPicha: Koby Gideon/AFP

Mawaziri 24 walipigia kura ya kuidhinisha makubaliano hayo huku wanane wakiyapinga. Hii ni baada ya baraza la usalama kuyaidhinisha makubaliano hayo jana Ijumaa.

Katika awamu ya kwanza ya mpango huo, mapigano yatasitishwa Gaza kuanzia kesho mchana na kwa muda wa wiki sita. Hamas itawaachilia mateka 33 wa Israel, huku mamia ya wafungwa wa Kipalestina wakiachiliwa pia huru.

Soma pia: Baraza la usalama Israel laidhinisha makubaliano ya kusitisha vita

Kulingana na taarifa kutoka kwa nchi tatu wapatanishi ambazo ni Qatar, Misri na Marekani, wanajeshi wa Israel watajiondoa katika baadhi ya maeneo ya Gaza na kuruhusu misaada zaidi kuingia katika Ukanda huo, huku mazungumzo yakitarajiwa kuendelea ili kujaribu kufikia mpango wa usitishwaji kamili wa vita.