ارتھ ڈے: پلاسٹک سے پاک سیارہ زمین

زمین پر اس وقت جا بجا پلاسٹک بکھرا ہوا نظر آتا ہے۔ پلاسٹک زمین سے حاصل ہونے والے فوسل فیول سے تیار کیا جاتا ہے۔ زمین سے نکلنے والی توانائی سے حاصل کیا جانے والا پلاسٹک استعمال کے بعد زمین پر پھینک دیا جاتا ہے اور بعد میں کھیتوں کھلیانوں میں اس کے ڈھیر بننا شروع ہو جاتے ہیں۔ یہ پلاسٹک سمندروں کی آلودگی کے ساتھ ساتھ زمین سے اگنے والی خوراک کو بھی زہریلا بناتا ہے۔

’ہمیں کوئی قتل تو نہیں کر رہا‘

انڈیا میں سڑکوں کی تعمیر میں پلاسٹک کا استعمال

سمارٹ فون کرہٴ ارض کے لیے اتنے بھی سمارٹ نہیں

سمندروں میں پلاسٹک کے کوڑے کا مسئلہ: ریسرچرز کا انوکھا خیال

بائیس اپریل ہر سال ارتھ ڈے کے طور پر منایا جاتا ہے اور یہ سلسلہ سن 1970 سے شروع ہے۔ اس دن کے حوالے سے زمین کے تحفظ کے کارکن اِس عزم کا اعادہ کرتے ہیں جو اس سیارے کے تحفظ سے منسلک ہے۔ رواں برس زمین کو پلاسٹک کی آلودگی سے پاک کرنے کے عزم کا دن ہے۔

استعمال کے بعد زمین پر پھینک دینا والا پلاسٹک مکمل طور پر تلف نہیں ہوتا بلکہ کہیں نہ کہیں وہ موجود رہتا ہے۔ اعداد وشمار کے مطابق تقریباً 300 ملین ٹن پلاسٹک سالانہ بنیاد پر استعمال کے بعد پھینک دیا جاتا ہے۔ اس میں سے اوسطاً آٹھ ملین ٹن پلاسٹک سمندر میں داخل ہو رہا ہے۔ سمندر میں اس پلاسٹک کی مقدار مسلسل بڑھتی جا رہی ہے۔

ارتھ ڈے نیٹ ورک کا بائیس اپریل کو فوکس ہے کہ ہر ممکن طریقے سے پلاسٹک کے استعمال میں کمی لائی جائے تاکہ اس گلوبل مسئلے میں کمی کا سلسلہ شروع کیا جائے۔ اس کے لیے ضروری ہے کہ زمین پر بسنے والا ہر انسان اپنے روزمرہ کی زندگی میں استعمال ہونے والے پلاسٹک میں کمی لانا شروع کرے۔ اسی طرح پالیسی سازوں سے بھی مطالبے میں شدت لائی جائے کہ وہ پلاسٹک کا استعمال زیادہ کرنے والی کمپنیوں کو کنٹرول میں کرنے کے ضوابط بنائیں۔

رواں ہفتے کے دوران برطانیہ نے اعلان کیا ہے کہ وہ پلاسٹک اسٹرا، مشروبات کو مکس کرنے والے پلاسٹک کے چمچہ نما اشیاء، کاٹن بڈز پر مکمل پابندی عائد کر رہی ہے۔ لندن حکومت نے ایسی منصوبہ بندی بھی کر رکھی ہے کہ ایسے پلاسٹک پر بھی پابندی عائد کر دی جائے گی جو ری سائیکلنگ میں صرف ایک دفعہ استعمال ہوتا ہے۔

اسی طرح یورپی یونین نے بھی سن 2030 تک ایسے پلاسٹک کو مارکیٹ کرنا ہے جو بار بار ری سائیکل کے عمل سے گزارا جا سکے۔ ارتھ ڈے کے سرگرم کارکن پلاسٹک کے استعمال پر پابندی کے حوالے سے پیرس ڈیل کی طرح کے ایک معاہدے کی تمنا رکھتے ہیں۔

روبی رسل (عابد حسین)