پاکستان میں غلطی سے میزائل داغنے والے بھارتی افسران برطرف

پاکستان آ کر گرنے والے اس میزائل کی وجہ سے کوئی جانی نقصان نہیں ہوا تھا لیکن یہ ایک 'بڑی غلطی‘ تصور کی جاتی ہے۔ عسکری ماہرین ماضی میں متعدد مرتبہ ان دونوں ملکوں کو ایسی کسی غلطی سے خبردار کر چکے ہیں کیوں کہ ان دونوں ملکوں کے مابین کئی جنگیں ہو چکی ہیں۔

بھارت کا براہموس میزائل جوہری ہتھیار لے جانے کی صلاحیت رکھتا ہے۔ زمینی اہداف کو نشانہ بنانے والا یہ کروز میزائل بھارت اور روس کی مشترکہ پیداوار کا نتیجہ ہے۔ نو مارچ کو یہ میزائل پاکستانی سرزمین میں آ کر گرا، جس کے بعدپاکستان نے بھارتی حکام سے جواب طلب کیا تھا۔

پاکستان کی جانب سے بھارت کے 'حفاظتی میکنزم‘ پر بھی سوالات اٹھائے گئے تھے۔

پاکستان اور چین سے خطرات کے مدنظر بھارت اگلے ماہ میزائل سسٹم نصب کرے گا، پنٹاگون

بھارتی ایئرفورس کی طرف سے جاری ہونے والے ایک بیان میں کہا گیا ہے، ''واقعے کی ذمہ داری طے کرنے سمیت کیس کے حقائق جاننے کے لیے قائم کی گئی کورٹ آف انکوائری نے تین افسران کو اس واقعے کا ذمہ دار قرار دیا ہے۔ ان افسران کی طرف سے معیاری آپریٹنگ طریقہ کار سے انحراف کے نتیجے میں میزائل حادثاتی طور پر فائر ہوا۔‘‘

جاری ہونے والے بیان کے مطابق ان تینوں افسران کو فوری طور پر برطرف کر دیا گیا ہے۔

جوہری ہتھیاروں میں کمی کے بجائے دوبارہ اضافہ، سپری کی تنبیہ

امریکہ میں قائم آرمز کنٹرول ایسوسی ایشن کے مطابق براہموس میزائل کی رینج 300 کلومیٹر سے 500 کلومیٹر کے درمیان ہے۔ یہ میزائل اگر شمالی بھارت سے فائر کیا جائے تو پاکستان کے دارالحکومت اسلام آباد کو نشانہ بنانے کے قابل ہے۔

 ا ا / ک م ( روئٹرز)