دہشت گردی کے خلاف پاکستانی کوششیں، امریکی وفد کی بریفنگ

پاکستانی دارالحکومت سے پیر پندرہ جنوری کو ملنے والی نیوز ایجنسی ایسوسی ایٹڈ پریس کی رپورٹوں کے مطابق امریکی صدر ڈونلڈ ٹرمپ کی طرف سے اس ماہ کے اوائل میں پاکستان کے لیے مجموعی طور پر قریب دو ارب ڈالر کی سکیورٹی امداد معطل کیے جانے کے بعد اس وقت ایک اعلیٰ سطحی امریکی وفد اسلام آباد کا دورہ کر رہا ہے۔

پاکستان پر دباؤ جاری رکھا جائے، افغان صدر کی درخواست

'امریکی الزامات ، پاکستانیوں کے لیے دھوکے کے مترادف‘

ڈالر کی جگہ یوآن میں تجارت، پاکستان کو فائدہ یا نقصان؟

اس وفد کو پاکستانی حکام نے آج پیر کے روز اسلام آباد میں اس بارے میں ایک بریفنگ دی کہ پاکستان نے دہشت گردی کے خلاف اب تک کتنی بھرپور کوششیں کی ہیں اور ان کے کیا نتائج برآمد ہوئے ہیں۔

یہ بریفنگ ایک ایسے امریکی وفد کو دی گئی، جو قائم مقام نائب وزیر خارجہ ایلس وَیلز کی قیادت میں اس وقت پاکستان کے دورے پر ہے۔

پاکستانی دفتر خ‍ارجہ کے جاری کردہ ایک بیان کے مطابق اس بریفنگ میں امریکی وفد کو بتایا گیا کہ دہشت گردی کی روک تھام کے لیے کیے جانے والے حکومتی اقدامات اور قانون نافذ کرنے والے اداروں کی کارروائیوں کے نتیجے میں ملک میں سلامتی کی صورت حال واضح طور پر بہتر ہو چکی ہے۔

بیان کے مطابق اس بریفنگ میں امریکی وفد کو یہ بھی بتایا گیا کہ پاکستان خطے میں سلامتی اور استحکام کے لیے اپنی کاوشیں جاری رکھے گا اور دہشت گردی کے خلاف اندرون ملک کیے جانے والے اقدامات کے ٹھوس نتائج سے علاقائی امن اور سلامتی کو بہتر بنانے میں بھی مدد ملے گی۔

ٹرمپ سے ممکنہ ملاقات کڑوی گولی کی طرح ہو گی، عمران خان

پاکستان کے لیے امریکی امداد کی بندش: اندھیرے میں چلایا گیا تیر؟

امریکی مطالبات کی فہرست پاکستان کو پہنچ گئی، پینٹاگون

امریکا کی طرف سے پاکستان پر طویل عرصے سے یہ الزام لگائے جاتے رہے ہیں کہ اس نے اپنے ہاں ان دہشت گردوں کو محفوظ ٹھکانے مہیا کر رکھے ہیں، جو پاکستانی سرزمین سے ہمسایہ ملک افغانستان میں خونریز کارروائیاں کرتے ہیں۔ پاکستان کی طرف سے ان الزامات کی بھرپور تردید کی جاتی ہے۔

رواں ماہ کے شروع میں امریکا نے پاکستان کے لیے سکیورٹی اور فوجی امداد معطل کرنے کا جو اعلان کیا تھا، اس کے ساتھ بھی یہ بھی کہا گیا تھا کہ جب تک پاکستان اپنی سرزمین سے دہشت گردوں کی محفوظ پناہ گاہوں کے خاتمے کے لیے ٹھوس اقدامات نہیں کرتا، تب تک واشنگٹن کی طرف سے معطل کی گئی یہ امداد بحال نہیں کی جائے گی۔